CAO DE ANO ( CAPODANNO) VENETO

A l'epoca de ła Serenìsima Republica, el Cao de ano, invesse che al 1° de genaro come previsto dal całendario giulian e dopo da queło gregorian, el cascava el 1° de marso. 

Sta tradision par che ła vegna da l'antico całendario che doparava i Romani prima de Giulio Cesare, che el faxéa scominsiar l'ano dal méxe de marso (e difati in sta maniera i mesi de setenbre, otobre, novenbre e diçenbre i vien a èsar efetivamente i méxi numaro sete, oto, nove e diexe come dixe el nome). 

Par no far confuxion, i Veneti de na òlta in parte a ła data i ghe scrivéa more veneto, cioè leteralmente "a ła maniera Veneta". Donca, ła data, metemo, del "14 febraro 1703" a Venessia ła deventava "14 febraro 1702 more veneto", parché el febraro l'era efetivamente l'ultimo méxe de l'ano vecio, e el 1703 el scominsiava soło in marso.

La xe anca l'ocasion pa scoltar coel che tradisionalmente xe' deventa' l'ino veneto. 
Vivaldi inte'l 1716 , so incarico deła Serenìsima ga scrivesto sta opera pa selebrar la liberasion de Corfu' dai turchi.

Musica baroca, vien mucio prima dei ini otosenteschi europei ( bruti) pieni de nasionalismo. 

A mi me piase a frase " Eris semper in mundo gloriosa" 
( Ti sara' sempre gloriosa inte'l mondo) 

A ve meto anca el testo, pa comodita'. ( struca sora )  Testo Vivaldi